MAIN AUR MERE APNE SAPNE

 

Khuli aankho ne chain se sona kya seekh liya tha,
wah sapna ek nanha sa, chupke se aa ke bas gaya

Wah sapna kya basa chupke se, chain ne dosti kar li
Subah saam chain ke saath , sapna nind bhi le uda

garm aankho ke saye me, sapna bada hota chala
asiliyat se ladne ko,pankhsuda hua sapna, baichan

AAnkho ne sona chhod diya, chain hua paraya
bas chuki thi ek nai duniya, ladte hue sapno ki

Sapno ne dhire se kano me kaha, adheer mat ho
aaj ki hakikat kal sapna tha, mai kal ki hakikat hu

Ha maine sapno ko dekha hai,unki saanse gini hai
unhe girte padte aage badhte dekha hai, ru ba ru

Mera sapna to mera hai hi, tumhare bhi mere hi hai
Ek bhi jo toota, khair nahi, main hu na, ye mere hai

Tum mere , ye sapne mere,inhe jeevan main doonga
ye udenge manjilo tak, udan ko pankh main doonga